apne hi daleelon ki kya pairavi karoon
mere jazbaat lafzon mein uljhe hue hain
na jeet hi paaoon, na haar hi jaaoon
ulfat ki aag mein armaan sulge hue hain
na jalne mein aah hai
na bujhne ki chaah hai
ek bemukammal manzil hai
ek ajeeb si raah hai
meri bebasi ka imtehaan hai
mera gham soz-e-nihaan hai
kya bayaan karoon
kya ikraar karoon
is sab khayaalon ko pare kar ke
chaahta hoon main bhi ki bas pyaar karoon
kitni dafhaa sharmsaari ki ridaa ko odhuunga
kitni dafhaa main khud ko kho duunga
khud ko kho duunga…..
khud ko kho duunga…..