Bahut mushkil hai jee paana!!!!!

lipte se .....
simte se.....
bistar ki silvaton pe
mohabbat ki lihaaf liye
kurbat ki nigaah liye,

tu chhede kisi saaz ko
main sunoon teri awaaz ko
mera naam jisme goonje
mujhse tu meri wafaa  pooche,

thehre hue is lamhe mein
dekha maine sapne mein
tabhi tune meri neend ko toda
fir mujhe kahin ka na chhoda

waqt ki apni udaan mein
mere thehre lamhe bhi badh chale
maine toka.....
bahut roka.....
par tujhko apne sang le chale

abhi mohabbat ne saans li thi
abhi waqt ne unhe ruksad kar diya
abhi to uske honthon ko chhua tha
aur abhi hi zaahir haqeeqat kar diya

maine kahaa "tu mat jaa"
Tune kaha "main kaise rukoon"
Dekh main mar jaaonga
Dekh main mar rahi hoon
Sun tu jee nahi paayegi
main kahaan jee rahi hoon
Ek meri mohabbat.....
Ek tera zamaama.....

Bahut mushkil hai jee paana
ye tu jaane aur main jaanoon
ye tu maane par main kaise maanoon